உன் பார்வையில் பைத்தியமானேன்

பேருந்துக்கோ புகைவண்டிக்கோ காத்திருக்கும் நிமிஷங்களில் மருத்துமனையில் கையில் டோக்கனுடன் இருமிக்கொண்டிருக்கும் இரவுகளில் தோளில் தலைசாய்த்துறங்கும் பயணியுடன் வயல்வெளிகளை வேடிக்கை பார்க்கும் பொழுதுகளில் நேர்முகத்தேர்வுக்கென தங்கைக்கு வகுப்பெடுக்கும் மொட்டைமாடியில் மகன்களுடன் கைகோர்த்து எதிர்காலம் பேசும் கோயில் பிரகாரங்களில் என எப்போதுமாய் உன் நினைவு

மின்சாரம் நின்று போன ஒரு ராவேளையில் சந்தித்தேன் உன்னை என் வாழ்வின் மின்சாரமாகிப்போனாய் நீ

முன்னூறு பறவைகளுக்கு மேல் கூடு கட்டி இருந்த ஆலமரம் அதிகாலையில் விற்கப்படும் கிராமத்து காய்கறிகள் சுடச்சுட கிடைக்கும் சுக்கு காபி கூடவே மெல்லப்படும் அன்றைய அரசியல் பேருந்தை எதிர் நோக்கும் பள்ளிப்பிள்ளைகள் அண்ணாச்சிக்கடையின் வடை பஜ்ஜி போண்டா தலை இல்லாத அரவான் சிலை. எதுவுமே இல்லை இவ்வேளையில். நீண்டு கிடக்கிறது தங்க நாற்கரம் .

ரெண்டு வெள்ளிக்கிழமை. ரெண்டு ரெண்டரை மணி நேரம். ரெண்டும் வேஸ்ட். நிம்மதியா தூங்கப் போயிருக்கலாம். சென்னை 28 ச ரோ ஜா சூப்பர் படம் பண்ணின டைரக்டர். கட்டாயம் முதல் நாள் போகணும்னு சரவணன் சொன்னான். வீட்ல சண்ட போட்டு, பிளாக்ல டிக்கெட் வாங்கி உள்ள போனா.... குடும்ப பெருமைய எல்லாருமா சேர்ந்து பாடுற ஒரு பாட்டு. அப்புறம் மொக்கையா சில காமெடி. இண்டர்வல் வரைக்கும் பிகினி போட்ட பொம்பள புள்ளைங்க , ஜொள்ளு வுடற ஹீரோங்க. ஒரு gay couple வேற. இண்டர்வல்க்கு அப்புறமும் இதே கதைதான். ஒரே காமெடிக்கு எத்தனவாட்டி சிரிக்கறது? spoof, adult comedy ன்னு எதாவது ஒரு genre முடிவு பண்ணினா அதுல முழுசா நல்லா பண்ணணும். இப்படி பி கா வா எடுத்த மாதிரி படம் பண்ணினா .... என்ன கொடுமை சரவணன் இது? தமிழ்ப்படம் பாக்கப் போறமாதிரி தான் பிளான். ஆனா, வேலூர் ல ராஜா தியேட்டர விட வீனஸ் நல்லா இருக்கும்னு ஜக்குபாய் படம் போனோம். ராஜா தியேட்டருக்கே போயிருக்கலாம் . ஒரே நல்ல விஷயம். welcome back கவுண்டமணி. அப்புறம் tracing shadow ன்னு ஒரு சைனீஸ் படம். fighting scene லாம் நல்லா இருக்கு. மத்தபடி காமெடி எல்லாம் நம்ம கோவா மாதிரி. இந்த வாரம் ---- கொட...