நீ

பேருந்துக்கோ புகைவண்டிக்கோ
காத்திருக்கும் நிமிஷங்களில்

மருத்துமனையில் கையில் டோக்கனுடன்
இருமிக்கொண்டிருக்கும் இரவுகளில்

தோளில் தலைசாய்த்துறங்கும் பயணியுடன்
வயல்வெளிகளை வேடிக்கை பார்க்கும் பொழுதுகளில்

நேர்முகத்தேர்வுக்கென
தங்கைக்கு வகுப்பெடுக்கும் மொட்டைமாடியில்

மகன்களுடன் கைகோர்த்து
எதிர்காலம் பேசும் கோயில் பிரகாரங்களில்

என
எப்போதுமாய் உன் நினைவு