உன் பார்வையில் பைத்தியமானேன்

எட்டு மார்கழிகள் போயின உனக்கு மணம் கழிந்து பூ வைக்க ஆளில்லை உன் வீட்டு வாசலுக்கும் எனக்கும்

அங்கப்ப நாயக்கன் தெரு எங்கள் வீதிக்கு பழைய பெயர் தங்கத் தாமரை வீதி உன் பாதம் பட்டது முதல்.

பின்னிரவு இரண்டு மணிக்கு மிளகாய் மூட்டை இறக்கியதில்லை அதிகாலை நாலரை மணிக்கு தேநீர்க்கடை கதவைத் திறந்ததில்லை முழங்காலளவு தண்ணீரில் மூன்று சக்கர வண்டி முழுதுமாய் சமையல் வாயு சுமந்ததில்லை கொதிக்கின்ற கோடையில் நீண்ட தார்ச்சாலைகளில் கறிகாய் விற்றவனில்லை ஏழு மணிவரை தூக்கம் எட்டு மணிக்கு குளியல் ஒன்பது மணிக்கு பங்குச் சந்தையுடன் பலகாரம் பத்து மணிக்கு office பத்தரைக்கு tired ஆ இருக்கு. வாங்க டீ சாப்பிடலாம்.

தீராத என் தேடல்களும் ஓயாத என் வார்த்தைகளும் தாளாத தாபமும் தணியாத மோகமும் தேடியலையும் பார்வையும் தீண்டத்துடிக்கும் கரங்களும் நீளும் நேசமும் நினைவுகளிளெல்லாம் நிரம்பி வழிந்திடும் காதலும் உனக்கானவை யல்ல

நீ உன் , என் அம்மா வீட்டுக்கு சென்றிருக்கும் தருணங்களில் , நீண்ட நாட்கள் பிரிந்திருந்த தாய் சேய் இணையும் சினிமா காட்சியில் சுஜாதா இறந்த இரண்டாம் நாள் கற்றதும் பெற்றதும் படித்துக்கொண்டிருந்த அந்தியில் தோழியின் கணவனை அயலாளோடு பார்த்த கணத்தில் நான் நீந்திய காவிரியில் என் மகன் கிரிக்கெட் ஆடிய நண்பகலில் பழைய முதலாளியை ஆட்டோ ஓட்டுனராக சந்தித்த சாலை வளைவில் யாரோ தன் மகளை உன் பேரிட்டு அழைத்த பொன்வேளையில் லேசாய் வழிகிறது கண்ணீர் .

காலடித்தடங்களால் நிறைந்த என் வீடு சமைத்த சுவைக்கு அடிமையான என் நா மணத்தை தேடியலையும் என் நாசி ஓசையெல்லாம் இசையாக கோபமெல்லாம் குளிராக காதலெல்லாம் கவிதையாக திரும்பிய திசைகளில் என் பயணம் இருக்கிற இடங்களில் என் இல்லம் நினைக்கின்ற நினைவுகளில் என் நிம்மதி . இப்படியாய் எல்லா வாக்கியங்களுக்கு முன்னும் அவள் நிரம்பிய என் வாழ்வு

ஆயிரத்தில் ஒருவன் படம் குறித்த பலவிதமான விமர்சனங்கள் கிடைக்கின்றன. முதல் பாதி அருமை. இரண்டாம் பாதி கொடுமை, சிறப்பான முயற்சி, செல்வா ஒரு மிகச்சிறந்த இயக்குனர். ஜி வி பிரகாஷ் கலக்கி இருக்கிறார். ராம்ஜி தன்னை நிரூபித்து இருக்கிறார். எரம் அலி பின்னி இருக்கிறார். ரீமா வும் ஆண்ட்ரியா வும் ஒரு காட்டு காட்டி இருக்கிறார்கள். பார்த்திபன் சூப்பர். எல்லாம் சரிதான். எல்லாருடைய உழைப்பும் சரிதான். Dream Valley ரவீந்திரனும், டிக்கெட் வாங்கின ரசிகனும் தன் பாவம். இரட்டை அர்த்த டயலாக்கும், ரீமாவின் திறக்கப்பட்ட மேனியும், பழந்தமிழ் வார்த்தைகளும், பாலைவனத்தில் வரும் விரிசடையான் நிழலும் தமிழ் திரையுலகத்தை ஹாலிவுட் க்கு நிகராக்குமா? Bull shit. எந்த படம் ஒரு path breaker என்று ஒரு இயக்குனர் நினைக்கிறாரோ அந்த படத்தை கண்டிப்பாக ஒரு வெற்றிப்படமாக்க வேண்டிய பெரும் பொறுப்பு அவருக்கு உண்டு. அன்றேல் வேறு படம் அப்படி எடுக்க இன்னும் சில ஆண்டுகள் ஆகிவிடும். ரவீந்திரன் போல் வேறு ஒரு நல்லவர் கிடைக்க வேண்டும் இல்லையா. செல்வா இந்த படத்தை செல...